Një shtëllungë e madhe tymi u shfaq në ajër në Lushnjë, pas momentit të shpërthimit tragjik që i mori jetën një baba dhe biri. Roland Hoxha dhe i biri, Lidio, ishin duke punuar në vinç kur një bombol oksigjeni u shkëput dhe shkaktoi shpërthimin. Tensioni i lartë 110 kv u shkëput nga fuqia shpërthyese dhe u dëmtuan shtatë persona të tjerë. Të dëmtuarit u transportuan në spital për ndihmë mjekësore, ndërsa Roland Hoxha dhe i biri Lidio ndërruan jetë. Deputeti socialist Bujar Çela u plagos së bashku me të tjerë. Hetimet për shkakun e shpërthimit janë në vazhdim.